Alberto Gilardino është zyrtarisht trajneri i ri i Pisës, e cila fitoi ngjitjen në Serie A këtë verë.

Gilardino ka nënshkruar një kontratë dyvjeçare me opsion për një të tretë.

Ekipi përfundoi i dyti në Serie B këtë sezon pas Sassuolos dhe u drejtua nga Pippo Inzaghi, i cili zgjodhi të largohej për një sfidë të re te Palermo.

Trajneri mbush 43 vjeç muajin tjetër dhe si lojtar ishte pjesë e skuadrës së Italisë që fitoi Kupën e Botës 2006.

Pisa është rikthyer në Serie A pas një mungese 34-vjeçare dhe do të jetë një nga 20 klubet në ligën e parë për sezonin 2025-26.

Gilardino si futbollist ka pasur një karrierë të jashtëzakonshme ku ka fituar Kupën e Botës si dhe Ligën e Kampionëve.

Ai ka lujatur kryesisht në futbollin italian, tek Milani, Fiorentina, Parma, Palermo Empoli dhe Spezia aty ku e ka mbyllur karrirën si profesionist.

Ndërsa si trajner ai ka udhëhequr më parë Genoan, Sienan, Pro Vercellin dhe Rezzaton, dy të fundit në kategori më të ulëta të futbollit italian./Arbresh.info